1988-ci ildən başlayan və 1994-cü ildə atəşkəs sazişinin imzalanmasına qədər davam edən Ermənistan Respublikasının Azərbaycan Respublikasına qarşı hərbi təcavüzü Azərbaycana ciddi maddi və mənəvi ziyan vurdu. Təcavüz yalnız beynəlxalq hüquq və BMT Nizamnaməsinin norma və prinsiplərinin pozulmasına deyil, eləcə də, Ermənistan Respublikası tərəfindən Azərbaycanın ərazi bütövlüyünün və toxunulmazlığının pozulmasına səbəb oldu. Təcavüz nəticəsində Azərbaycan Respublikasının işğal olunmuş və zərər görmüş ümumi torpaqları 17 min km² (10, 563 kvadrat mil), təxminən 20%-dir. Buraya aşağıdakılar daxildir:

• 1991-ci ildə Azərbaycan tərəfindən ləğv edilmiş keçmiş DQMV-nin ərazisi olan Dağlıq Qarabağ bölgəsi;
• Dağlıq Qarabağ ətrafında Azərbaycanın işğal olunmuş yeddi rayonu: Laçın, Kəlbəcər, Ağdam, Füzuli, Cəbrayıl, Qubadlı və Zəngilan;
• Qazax, Ağstafa, Tovuz və Gədəbəy rayonlarının Ermənistanla həmsərhəd ərazisi;
• Təmas xətti ilə həmsərhəd olan 4 rayonun ərazisi: Tərtər, Goranboy, Ağcabədi və Beyləqan;
• Azərbaycanın Ermənistan, İran və Türkiyə ilə əhatə olunmuş Naxçıvan Muxtar Respublikasının inzibati rayonlarının ərazisi.[1]

[1] a.k.ə. “USAN Factsheet on the Nagorno-Karabakh region of Azerbaijan”.